నువ్వు నడిచే దారిలో నీ కాలి కింద
ఒక గడ్డి పువ్వు కనిపిస్తే దాటిపోకు నేస్తం !
అది నేను పారేసుకున్న నవ్వు కావొచ్చు !!
నువ్వు అలిసినప్పుడు ఒక చల్లగాలి
నిన్ను తాకిపోతే గుండెనిండా పీల్చుకో ప్రియతమా !
అది నీకై నేను వదిలిన నా నిట్టూర్పు కావొచ్చు !!
సముద్రం ఒడ్డున నీ పాదాన్ని తాకుతూ
ఒక అల సాగిపోతే జారిపోకు హృదయమా !
అది నీకై కారిన నా కన్నీటి చుక్క కావొచ్చు !!
ఏ క్షణమైనా నీ మనసులో అలజడి రేగితే
కంగారు పడకు ప్రాణమా !
అది నా గుండె చప్పుళ్ళలో నేను పలికే
నీ ఊసులని ఒక్క క్షణం గుర్తు తెచ్చుకో !!